Y Cytundeb Cenedlaethol
Llofnodwyd Cytundeb Cenedlaethol hanesyddol rhwng y Llywodraeth, cyflogwyr ac undebau gweithlu ysgolion ar 15 Ionawr 2003.
Mae'n addo gweithredu ar y cyd, a luniwyd i helpu pob ysgol ar draws y wlad i godi safonau a thaclo problemau llwyth gwaith. Bydd y gweithredu'n cael ei gynnal ar draws Lloegr a Chymru ac yn ystyried y sefyllfaoedd gwahanol o ysgol i ysgol. Mae Llofnodyddion y Cytundeb yn ymroddedig i weithio mewn modd cydunol i gefnogi ysgolion wrth iddynt weithredu'r newidiadau y cytunwyd arnynt.
Mae'r Llofnodyddion yn gweithio gyda'i gilydd ar lefel genedlaethol yn y Grwp Monitro Cytundeb y Gweithlu i oruchwylio gweithrediad cynllun saith pwynt:
- Gostyngiadau graddol yn oriau cyffredinol athrawon.
- Newidiadau i gontractau athrawon.
- Ymosodiad cydunol ar fiwrocratiaeth a gwaith papur afraid.
- Diwygio rolau staff cefnogi i helpu athrawon a chefnogi disgyblion.
- Recriwtio rheolwyr newydd, yn cynnwys rheolwyr busnes a phersonél.
- Adnoddau ychwanegol a rhaglenni cenedlaethol "rheoli newid".
- Monitro cynnydd wrth weithredu.
Mae newidiadau statudol i gontractau athrawon yn digwydd mewn tri chyfnod:
Cyfnod un - Medi 2003
- Newidiadau i gontractau athrawon.
- Hyrwyddo gostyngiadau mewn oriau cyffredinol gormodol.
- Sefydlu grwp monitro.
- Sefydlu Uned Adolygu Gweithrediad newydd.
- Dirprwyo tasgau gweinyddol a chlercyddol yn rheolaidd.
- Cyflwyno cymalau cydbwysedd gwaith/bywyd newydd.
- Cyflwyno amser arweinyddiaeth a rheoli.
- Cyflawni adolygiad o ddefnydd dyddiau cau ysgolion.
Cyfnod dau - 2004
- Cyflwyno cyfyngiadau newydd ar gyflenwi i athrawon absennol.
Cyfnod tri - 2005
- Cyflwyno amser proffesiynol gwarantedig ar gyfer cynllunio, paratoi ac asesu.
- Cyflwyno amser penodedig i benaethiaid.
- Cyflwyno trefniadau arolygu newydd.
Mae Llywodraeth Cynulliad Cymru'n cysylltu â'r Grwp Monitro Cytundeb Gwaith ac yn adrodd yn ôl iddynt wrth weithredu'r newidiadau y cytunwyd arnynt.