Trosglwyddo tasgau gweinyddol a chlercyddol
Ar 15 Ionawr 2003 llofnododd y Llywodraeth, cyflogwyr a chymdeithasau proffesiynol y Cytundeb Cenedlaethol Llwyth Gwaith sydd wedi'i lunio i helpu codi safonau mewn ysgolion drwy daclo llwyth gwaith a galluogi athrawon i ganolbwyntio ar ddysgu ac addysgu. Ymysg newidiadau cytundebol eraill, mae'r Cytundeb yn nodi na ddylai fod yn ofynnol i athrawon gyflawni tasgau gweinyddol a chlercyddol yn rheolaidd. Rhoddir enghreifftiau ac fe'u rhestrir isod:
- Casglu arian.
- Gwirio absenoldebau - bydd angen i athrawon roi gwybod i'r aelod o staff perthnasol pan fydd myfyrwyr yn absennol o'u dosbarth neu o'r ysgol.
- Swmp o lungopïo.
- Teipio copi.
- Cynhyrchu llythyrau safonol - efallai y bydd gofyn i athrawon gyfrannu fel bo'n addas wrth ffurfio cynnwys llythyrau safonol.
- Cynhyrchu rhestrau dosbarth - efallai y bydd gofyn i athrawon gymryd rhan fel bo'n addas wrth ddosbarthu myfyrwyr i ddosbarth penodol.
- Cadw cofnodion a ffeilio - efallai y bydd gofyn i athrawon gyfrannu at gynnwys cofnodion.
- Arddangosfeydd dosbarth - bydd athrawon yn gwneud penderfyniadau proffesiynol wrth bennu pa ddeunydd i'w arddangos yn ac o amgylch eu hystafelloedd dosbarth.
- Dadansoddi ffigurau presenoldeb - yr athrawon sydd i wneud defnydd o ganlyniadau'r dadansoddiad.
- Prosesu canlyniadau arholiadau - bydd angen i athrawon ddefnyddio dadansoddiad canlyniadau arholiadau.
- Coladu adroddiadau disgyblion.
- Gweinyddu profiad gwaith - efallai y bydd gofyn i athrawon gefnogi disgyblion ar brofiad gwaith (yn cynnwys drwy gyngor ac ymweliadau).
- Gweinyddu arholiadau - mae gan athrawon gyfrifoldeb proffesiynol i nodi arholiadau addas ar gyfer eu disgyblion.
- Goruchwylio arholiadau - gweler darpariaeth amlwg isod.
- Gweinyddu cyflenwi athrawon.
- Datrys problemau ac atgyweiriadau bychan TGCh.
- Comisiynu cyfarpar TGCh newydd.
- Archebu cyflenwadau a chyfarpar - efallai bydd athrawon yn cymryd rhan wrth nodi anghenion.
- Cyfrif stoc.
- Catalogio, paratoi, cynhyrchu a chynnal cyfarpar a deunyddiau.
- Cofnodion cyfarfodydd - efallai y bydd gofyn i athrawon gyfleu pwyntiau gweithredu o gyfarfodydd.
- Cydlynu a chyflwyno cynigion - efallai y bydd gofyn i athrawon gyfrannu'n broffesiynol at gynnwys cynigion.
- Gofyn a rhoi cyngor personol.
- Rheoli data disgyblion - bydd angen i athrawon ddefnyddio'r dadansoddiad data disgyblion.
- Cyfrannu at ddata disgyblion - bydd angen i athrawon roi'r data disgyblion cychwynnol yn systemau rheolaeth yr ysgol.
Erbyn hyn, mae'n rhaid bod ysgolion wedi cyflawni trosglwyddiad y tasgau gweinyddol a chlercyddol hyn. Hefyd, mae'n ofynnol i ysgolion o dan eu cytundeb sicrhau bod darpariaeth ar gael i athrawon a phenaethiaid fwynhau cydbwysedd gwaith/bywyd rhesymol. Mae gan athrawon a chanddynt gyfrifoldeb arwain neu reoli'r hawl i neilltuo amser rhesymol o fewn sesiynau'r ysgol i gefnogi dadlwytho'u cyfrifoldebau.
Os oes gennych syniadau yr hoffech eu hychwanegu ynghylch rheoli'r newidiadau cytundebol - hoffem glywed gennych.
Rydym yn eich gwahodd hefyd i edrych ar, graddio, a gwneud sylwadau ar syniadau gwefan IdeaBank y Tîm Ailfodelu Cenedlaethol: http://www.remodelling.org/ideabank.php.
