Côd Ymddygiad
Bydd yr Ymgynghorwyr Allanol yn:
- Sicrhau bod y safonau uchaf yn cael eu cynnal wrth iddynt wneud eu gwaith fel ymgynghorwyr.
- Sicrhau y byddant drwy gydol y broses yn ceisio cyfleoedd cyfartal heb ystyried oedran, anabledd, tras ethnig, rhyw, statws priodasol, crefydd neu dueddfryd rhywiol.
- Sicrhau eu bod yn parchu nodweddion arbennig addysg yng Nghymru, sydd yn cynnwys y Cwricwlwm Cymreig a darpariaeth ddwyieithog, gan gynnwys hawl y sawl sy'n cymryd rhan i gynnal y broses adolygu naill ai yn Gymraeg neu'n Saesneg.
- Cynnal eu gwaith ag onestrwydd, gan drin pawb y dônt ar eu traws yn gwrtais.
- Parchu cyfrinachedd gwybodaeth a gafwyd yn ystod y broses adolygu.
- Sicrhau nad oes ganddynt unrhyw gysylltiad ag unrhyw ysgol lle maent yn cynnal adolygiad, gan y gall arsyllwyr niwtral gwestiynu eu tegwch.
- Cydweithredu'n llawn â'r consortia a'u systemau monitro ansawdd.
- Datgan unrhyw ddiddordeb a all effeithio ar orchwyl arfaethedig.
- Hysbysu cydlynydd y consortiwm os cynigir unrhyw gymhelliad gan unrhyw un mewn cysylltiad â'u gwaith fel ymgynghorwyr.
- Derbyn bod peth manylion personol, gan gynnwys data cyfleoedd cyfartal, i'w cadw ar gronfa ddata'r consortiwm, ac ar gael i'r Cynulliad a GTC (Cymru). Ni fydd y data hwn yn cael ei ryddhau i unrhyw fudiad arall.
- Derbyn y caiff manylion cyswllt ymgynghorydd eu rhoi i ysgolion fel sy'n addas.
Wrth weithio fel ymgynghorydd ‘rydych yn cytuno i gadw at y Côd Ymddygiad hwn.